Mro. Angelo Pullicino (1904-79) : hajtu u hidmietu : il-marci Grotteski : l-ewwel parti

Abstract

Isem Mro. Angelo Pullicino huwa sinonimu ma’ San Ġiljan peress li kien hu li waqqaf l-ewwel banda f’dan is-subborg marittimu. Għadu tfal, huwa studja l-ewfonju1 għand Mro. Vincenzo Costa. Xi żmien wara li l-familja tiegħu telqet minn Birkirkara u marret toqgħod San Ġiljan, Dun Pawl Galea, qassis Naduri, kien sejjaħ liż-żagħżugħ Anġlu - kif komunement kienu jsejħulu sħabu l-Ġiljaniżi - biex jifforma banda ġdida fl-1926. Sadattant, huwa kompla jistudja l-armonija għand Mro. Gużeppi Abdilla, u minn hemm ‘il quddiem qatt ma ħares lura tant li, mill-pinna tiegħu ħarġu ruxxmata marċi ta’ kull tip. F’din l-ewwel minn żewġ partijiet ta’ dan l-istudju li jitratta l-marċi grotteski ta’ dan il-kompożitur Ġiljaniż ser inkun qed nitkellem fuq sett ta’ erba’ marċi grotteski minn tiegħu.