lt-tifsira tal-kelma ta' Alla fl-episodju tad-dixxipli ta' għemmaws

Abstract

Kull min jiftakar iż-żmien ta' qabel il-Konċilju Vatikan II jista' japprezza t-tibdil Ii ġab miegħu dan l-avveniment kbir fil-ħajja tal-Knisja, b'mod speċjali fil-mod kif kienet tiġi ċċelebrata l-Liturġija tal-Kelma. B'Liturġija tal-Kelma qed nifhmu l-espressjoni komuni fil-lingwaġġ tal-Knisja Ii tirreferi għall-ewwel parti tal-quddiesa magħmula "mil-lezzjonijiet bibliċi u dak Ii jiġi bejniethom ... l-omelija, il-Kredu, u t-talba universali jew talba tal-ġemgħa." ll-Liturġija tal-Kelma hija marbuta mal-Liturġija Ewkaristika b'mod illi bejniethom dawn jagħmlu azzjoni waħda ta' qima. F'dan l-artiklu ser naraw kif din l-għaqda bejn dawn "iż-żewġ imwejjed" hija riflessa fl-episodju Ii nsibuh fl-Evanġelju skond San Luqa 24: 13-35, għalkemm fl-Evanġelju skond San Mark insibu verżjoni simili qasira ħafna (Mk 16: 12-13). Mhuwiex l-għan tagħna Ii nagħmlu eseġesi sħiħa ta' dan ir-rakkont. Ser nisiltu biss xi ħsibijiet Ii jistgħu jgħinuna nirriflettu aktar fuq il-valur tal-Kelma ta' Alla f'rabta ma' l-Ewkaristija fil-ħajja tagħna bħala dixxipli tal-Mulej Ġesu.