Ġesu jimxi fuq il-Baħar (Mt, 22-33)

Abstract

L-episodju ta' meta Ġesu mexa' fuq il-baħar insibuh irrakkuntat fi tliet Evanġelji: San Mark (6, 45-52), San Mattew (14, 22-33) u San Ġwann (6, 16-21). lt-tliet verżjonijiet ta' dan l-episodju jvarjaw minn xulxin. San Mattew, per eżempju, jagħtina l-itwal verżjoni ta' dan ir-rokkont. Huwa jidher Ii segwa r-rakkont ta' San Mark Ii nkiteb qabel, filwaqt Ii introduċa f'dan l-istess episodju materjal ġdid (vv. 28-31) f'rabta mal-persuna ta' Pietru li f'dan l-Evanġelju jieħu prominenza kbira. Minħabba f’hekk, f'dan l-artiklu se nikkonċentraw fuq il-verżjoni ta' dan l-episodju skond kif insibuh fl-Evanġelju skond San Mattew. L-għan ewlieni mhuwiex daqstant li nagħmlu eseġeżi biblika ta' dan ir-rakkont iżda li nħarsu lejn kull vers ta' dan l-episodju biex naraw dawn x'dawl jitfgħu fuq il-ħajja tat-talb. Bħalma naqraw f'San Mark u f'San Ġwann, San Mattew ukoll jippreżentalna dan ir-rakkont immedjatament wara li Ġesu tema' 5,000 raġel. Is-sekwenza ta' dawn iż-żewġ episodji sservi biex toħloq effett qawwi fuq il-qarrejja ta' l-Evanġelju biex b'hekk ikunu jistgħu jwieġbu għall-mistoqsija dwar l-identita ta' Ġesu Ii tqajmet qabel f’dan l-Evanġelju.