Dom Mintoff : l-istampa u x-xandir

Abstract

Ir-relazzjoni bejn il-Perit Duminku Mintoff u l-midja jeħtieġ inqisuha f'kuntest Mediterranju. F'dan ir-reġjun, sa tmiem is-seklu għoxrin, u anke wara, il-ġurnaliżmu u l-politika baqgħu marbuta ma' xulxin. Din ir-rabta hija frott ta' partiti politiċi bi strutturi pjuttost tradizzjonali Ii joperaw f'pajjiżi fejn id-demokrazija waslet card; fejn l-ekonomija bdiet tiehu r-ruh u tiddiversifika mis-snin sittin lil hawn u fejn it-taqtigħat lejn is-sekularizzazzjoni għadhom realta sal-ġurnata tal-lum. Għalhekk Malta, bħall-bqija tal-Ewropa Mediterranja, għandha midja Ii hija 'pluralista u polarizzata'. Iżda waqt Ii fil-pajjiżi ġirien tagħna dan jgħodd l-aktar għall-istampa, f'Malta għandna doża partiġjana aktar karga mindu fl-1991 il-partiti tħallew jiftħu l-istazzjonijiet tar-radju u t-televiżjoni biex ixandru l-aġenda tagħhom. F'dan il-kapitlu se nfissru kif Mintoff wassal il-messaġġ politiku tiegħu fil-kuntest ta' żmienu. Minħabba r-rwol tiegħu fuq firxa rwila ta' snin, diffiċli tagħmel studju komprensiv għalkollox. Il-punti msemmija f'dan l-istudju se jkunu msejsa l-aktar fuq intervisti oriġinali Ii ġbart matul is-snin ma' diversi esponenti fil-ġurnalizmu u minn dokumenti oriġinali mill-arkivji. Nirreferi wkoll għal bosta pubblikazzjonijiet relevanti.