Id-Dipartiment tal-Malti jaħdem biex iġib ’il quddiem l-istudju tal-ilsien Malti u ta’ ġrajjietu, kif ukoll tal-letteratura tiegħu, bit-tagħlim u bir-riċerka. Dan jagħmlu f’għadd ta’ korsijiet li jwasslu għall-ksib tal-ewwel grad u u ta’ gradi ogħla fil-Malti (B.A., B.A. (Unuri), M.A., M.Phil., Ph.D.). Jipprovdi wkoll programmi ta’ studju lil studenti minn dipartimenti, fakultajiet jew istituti oħra, bħalma huma tal-Komunikazzjoni, tal-Liġi u tal-Edukazzjoni.