Ġesu l-qassis il-kbir fl-evanġelju skont San Ġwann : ħsibijiet għas-sena tas-saċerdoti (I)

Abstract

Għalkemm is-saċerdoti ta' reliġjonijiet diversi kienu jiffurmaw aspett komuni fil-ħajja reliġjuża Griega-Rumana, il-mod kif it-Testment il-Ġdid jitkellem fuq is-saċerdot huwa nfluwenzat minn dak Ii nsibu fit-Testment il-Qadim. L-idea bażika tas-saċerdot fil-Bibbja, fil-fatt hija dik ta' medjatur. ls-saċerdot kellu jservi ta' bridge bejn Alla u I-bniedem, jew inkella bejn dak Ii hu qaddis u dak Ii hu midneb. Fil-fatt, il-kelma Pontifex, il-kelma Latina għal saċerdot, litteralment tfisser bridge. Hekk juruna testi bħal Dt 33:10 fejn il-ministeru saċerdotali jservi ta' medjazzjoni bejn il-kelma u r-rieda ta' Alla, filwaqt Ii jiffaċilita lill-bniedem midneb biex jersaq lejn Alla permezz tas-sagrifiċċji u I-interċessjonijiet. ls-saċerdot hawnhekk jirrappreżenta Iil Alla għall-bniedem u I-bniedem għal Alla.