Iġbru l-frak li baqa’ : l-aspett ta’ Radd il-Ħajr fl-Ewkaristija

Abstract

F'kuntrast ma' l-Evanġelji Sinottiċi, San Ġwann ma jagħtiniex ir-rakkont tat-twaqqif ta' l-Ewkaristja fl-aħħar ċena. Minflok huwa jagħtina t-teoloġija jew it-tifsira ta' l-Ewkaristija. Dan jidher, per eżempju, fir-rakkont tat-tkattir tal-ħobż akkumpanjat minn diskors Ii fih Ġesu jippreżenta lilu nnifsu bħala l-ħobż ħaj Ii nieżel mis-sema (Ġw 6:22-71). L-episodju jiftali b'introduzzjoni Ii tokkupa l-ewwel erba' versi, Ii fihom I-Evanġelista jambjentana għal din il-ġrajja. Hawn naqraw Ii Ġesu kien "in-naħa l-oħra tal-baħar tal-Galilija" (v.1) ma' "ħafna nies Ii marru warajh" (v.2), u kif "Ġesu tela' lejn l-għoljiet u qagħad bilqegħda mad-dixxipli tiegħu" (v.3). lmbagħad insibu wkoll it-tmien Ii fih seħħ dan: "Kien qrib l-Għid, il-festa tal-Lhud" (v.4). Dan l-aħħar dettal huwa wieħed importanti. L-Għid tal-Lhud issa se jeħodlu postu l-Għid nisrani, Ii t-tifsira tiegħu se tiġi mħabbra diġa f'dan il-miraklu.