Id-drawwiet tat-tiġrijiet tad-dgħajjes fil-Port il-Kbir

Abstract

Din id-drawwa antika nistgħu nipparagunawha ma' munita - għandha żewġ uċuħ, waħda storika u l-oħra sportiva. Storika, għax l-għeruq tagħha huma magġunin mal-istorja ta' poplu ta' waħda mill-bliet marittimi tagħna I-belt ta' Senglea (Isla), u Sportiva, għax fiha jidħol I-element uman - il-kontestazzjoni għar-rebħ ta' premju. L-istoriċi tagħha huma tal-fehma li din it-tradizzjoni bdiet żgħal ħabta tal-1625, fiż-żmien meta l-attivita' marittima fil-Port il-Kbir kienet fl-aqwa tagħha u tiġġenera ħafna xogħol għal mijiet ta' żagħżagħ u rġiel tal-familja. Kien żmien meta I-Port il-Kbir kien ikun mimli bI-imriekeb Maltin u barranin, bil-Galeri u x-xwieni oħra ta' l-Ordni sorġuti f'Dahlet Ix-Xwieni (illum Dockyard Creek), u l-bċejjeċ l-oħra ttrakkati mal-mollijiet tal-belt jew sorġuti f'Daħlet il-Franċiżi, li antikament kienet magħrufa bħala Daħlet San Franġisk ghall-kappella Ii kienet inbniet fl-inħawi ta' Għajn Dwieli ddedikata lil San Franġisk de Paola .