Skola Primarja ‘Rosa Magro’

Abstract

Fl-1836, f’Malta u Għawdex kien hawn biss erba’ skejjel mgħejjuna mill-Gvern Ċentrali : tlieta f’Malta u oħra fir-Rabat Għawdex . L-ewwel skola primarja għas-subien fix-Xewkija infethet fi Triq Santa Katerina, fejn illum jinsab il-Każin tal-Banda Filarmonika Prekursur, nhar it-Tnejn, 2 ta’Dicembru fl-1861u fl-1862 infetħet skola primarja għall-bniet li għalqet wara biss ftit xhur. B’kollox, in-numru ta’ djar li jservu ta’ skejjel fix-Xewkija kien ta’ sitta : tlieta għas-subien u tlieta għall-bniet. Kien il-31 ta’ Marzu 1958 meta infethet l-iskola l-ġdida u moderna li bdiet tilqa’ fiha lit-tfal bniet u subien. Din l-iskola kienet imqassma f’zewġ sezzjonijiet: waħda għas-subien u oħra għall-bniet, bi tmintax il-klassi kull naħa, barra uffiċini, sala, toilets, librerija u klinika. F’dik tas-subien kien hemm Workshop kbir u naħa tal-bniet kella l-Housecraft Room. Kien nhar il-25 ta’ Marzu 1999, li din l-iskola kienet imsemmija għal Rosa Magro (1899-1968), Filantropa u Acting-Head ta’ l-iskola.