Mill-Pinna tan-Nutar : L-Arkivju notarili u n-nutara fi Żmien l-Imblokk : 1798-1800

Abstract

Pajjiżna huwa mogħni b'diversi kollezzjonijiet storiċi. Fost dawn insibu dawk li huma meqjusa bħala l-għodda ewlenija tal-istudjuż tal-istorja - id-dokumenti arkivjati. L-arkivji u l-libreriji Maltin, bħal dawk f'pajjiżi oħra, għaddew minn ħafna taqlib man-nisġa taż-żmien u kienu xhieda importanti tal-ġrajjiet ewlenin li sawru dan in-nazzjon. Fattur ewlieni li jgħaqqad dawn il-ġrajjiet huwa li b'xi mod dawn ħallew il-marka tagħhom fuq dan il-wirt tal-karta. Dan l-artiklu ser jiffoka fuq l-Arkivju Notarili u xortih fil-perjodu Franċiż, li beda bil-konvenzjoni tal-Ordni ta' San Ġwann favur ir-Repubblika Franċiża rappreżentata minn Napuljun Bonaparti (1769-1821) fit-12 ta' Ġunju 1798, u ntemm nhar il-5 ta' Settembru 1800 meta l-Franċiżi ċedew lir-rappreżentanti tar-Re Britanniku.