Is-Sette Giugno - ċentinarju : l-ewwel pass lejn stat sovran

Abstract

Is-siwi ta' pubblikazzjoni bħal din joħroġ mill-fatt li llum ma fadal ħadd fostna li għex u li jiftakar il-ġrajjiet tas-7 ta' Ġunju 1919. Dan iġib miegħu l-periklu li ġrajjiet bħal dawn jintesew. ls-Sette Giugno iżda jibqa' wieħed mill-mumenti ewlenin, flimkien ma' oħrajn, li sawru l-istorja ta' pajjiżna matul is-seklu 20. Huwa mument storiku uniku għaliex numru ta' Maltin ħallsu b'ħajjithorn biex iwasslu b'qawwa l-vuċi tagħhom għal titjib fil-kwalita tal-ħajja tagħhom u tal-familji tagħhom u għal drittijiet politiċi ġodda. Kull ġrajja storika sseħħ f'kuntest. L-isfond tas-Sette Giugno huwa Malta tal-bidu tas-seklu għoxrin. Malta li kienet ftit li xejn differenti minn Malta ta' 100 sena qabel. Malta fortizza, dipendenti għalkollox fuq il-preżenza tal-bażi militari u navali tal-Imperu Ingliż u fejn issehem tal-Maltin fit-tmexxija ta' pajjiżhom kien wieħed limitat ħafna.