L-għanja tal-imħabba mhux maħbuba

Abstract

Fl-2016 l-Ordni Karmelitan ħaseb biex ifakkar l-450 sena mit-twelid ta’ Santa Marija Maddalena de’ Pazzi (1566-1607) u f ’din l-okkażjoni ħa diversi inizjattivi sabiex il-persuna u l-messaġġ tagħha jkunu aktar magħrufa. Maddalena de’ Pazzi hija persunaġġ tassew interessanti ta’ żmien irRiforma Kattolika u l-esperjenza mistika tagħha hija waħda straordinarja mhux biss fuq livell mistiku, spiritwali u reliġjuż, imma wkoll fuq livell artistiku, kreattiv, u letterarju, l-aktar fejn tidħol id-drammatizzazzjoni tal-esperjenzi mistiċi tagħha fil-laqgħa mad-Divin li hi tesperjenzah bħala moħbi, u wkoll fir-relazzjoni tagħha mal-Kelma li teħtieġ leħen li jwassalha, li jitkellimha. F’din l-esperjenza straordinarjament kreattiva fil-Maddalena naraw ħeġġa, passjoni li tgħarraf dak li mhux magħruf.