Il-persuni b’diżabilità – storja, sterjotipi u stigma (l-ewwel parti)

Abstract

Il-mod li bih inħarsu lejn il-persuni b’diżabilità nbidel matul is-snin skont l-avvenimenti storiċi li kienu qegħdin iseħħu fid-dinja. Len Barton, attivist b’diżabilità u akkademiku fl-istudji tad-diżabilità qal hekk, “il-mod kif inħarsu u niddefinixxu d-diżabilità huwa fundamentali, għaliex issuppożizzjonijiet li fuqhom huma bbażati dawn l-istess definizzjonijiet jistgħu ikunu offensivi u jistgħu joħolqu sterjotipi u stigma.” Iżda għalfejn għandna bżonn inħarsu lura lejn l-istorja? Jeħtieġ niffukaw fuq l-istorja sabiex nifhmu kif kienet mgħixa l-esperjenza tad-diżabilità fis-soċjetajiet taż-żminijiet ta’ qabilna u sabiex nifhmu minn fejn ġew ċerti sterjotipi fuq id-diżabilità fiżżminijiet tagħna. Fuq kollox, huwa importanti li nifhmu dawn l-affarijiet sabiex ikollna l-argumenti li bihom nistgħu niġġieldu għall-politika ta’ bidla fl-istrutturi tal-lum.