It-tisħib fil-fraternità Karmelitana

Abstract

F’din l-iskeda għal-laqgħat ta’ formazzjoni, se naraw ftit l-iżvilupp storiku tat-Terz’Ordni fil-Karmelu. Dan biex jgħinna nifhmu s-sejħa tagħna aħjar kif imfassal fir-Regula Karmelitana u l-espressjoni sekulari tagħha fir-Regula TOK. It-Terz’Ordni, jew l-Ordni Karmelitan Sekulari huwa forma partikolari ta’ ħajja Karmelitana, li min iħaddnu jissieħeb f’assoċjazzjoni pubblika lajkali mxerrda mad-dinja mwaqqfa bi privileġġ appostoliku u bl-għan li l-imseħbin jimxu fit-triq tal-perfezzjoni nisranija b’sejħa partikolari li jiddedikaw ruħhom lil Alla għall-ġid tal-Knisja bil-Professjoni tar-Regula u f’xi każijiet ukoll tal-wegħdiet evanġeliċi (Regula TOK, 12-14).