Laqgħat ta’ formazzjoni - skema 2

Abstract

Il-laqgħa regolari tal-Fraternità tat-Terz’Ordni Karmelitan Sekulari hija l-espressjoni tal-vokazzjoni tal-Karmelitani Sekulari. Għaldaqstant hija importanti u essenzjali għall-ħajja fit-Terz’Ordni għax hija l-forma konkreta li permezz tagħha l-Karmelitan Sekulari jgħix id-dimensjoni fraterna tal-kariżma Karmelitana. Il-ħajja fraterna mhijiex għażla fil-Karmelu, minkejja li hemm diversi forom ta’ kif tista’ tingħax. Sa mit-twaqqif tal-Ordni Karmelitan, San Albert ġabar in unum collegium lill-eremiti tal-Karmelu u għaldaqstant il-fraternità hija parti essenzjali mill-ħajja Karmelitana li kull min hu msieħeb fil-Karmelu, ikun f’liema stat jew ordni jkun ta’ tisħib, irid jgħixha. Ir-Regola TOK għandha dawn il-paragrafi speċifiċi dwar il-ħajja fil-fraternità li tajjeb jiġu mhux biss studjati fil-fraternità iżda wkoll imqegħdin fil-prattika u użati fid-dixxerniment dwar il-kandidat li jitlob li jissieħeb fil-fraternità. Magħhom għandna wkoll in-normi tal-istatuti li jagħtu linji prattiċi għall-għejxien tal-fraternità.