Xogħol ta' konservazzjoni u restawr fuq il-kwadru San Lazzru fil-bażilika ta' San Ġorġ Martri, Rabat

Abstract

Din is-sena sar xogħol ta' konsefvazzjonl u restawr fuq Il-kwadru ta' San Lazzru li jzejjen l-artal tal-kappelllun tal-lemin tal-Bażilika ta' San Ġorġ Martri. Il-kwadru, oriġinarjament, kien ta' daqs 310.5 x 231.5 cm. Hu maħdum fuq fuq sapport magħmul minn tliet strixxi ta' xkora, identiċi fl-għamla tagħhom. Dawn l-istrixxi, kull waħda ta' wisgħa approssimattiv ta' 79cm, huma meħjutin flimkien. Il-ħjata hi ta' xi ħxuna medja, kemmxejn miftuħa u b'dijametru li jvarja minn ħajta għal oħra. Fuq l-ixkora ngħatat preparazzjoni ta' lewn kannella, li hi wkoll ta' ħxuna medja. Il-preparazzjoni ġiet ippressata sewwa waqt l-applikazzjoni, għax ħafna minnha għaddiet għan-naħa ta' wara tas-sapport. ll·pittura ġiet imbagħad maħduma b'żebgħa taż-żejt, b'konsistenza li tvarja minn velaturi ħoxnin għal impasti aktar qawwija fejn l-aktar jaqa' dawl. Ta' min isemmi l-bravura li l-artist wera fix-xogħol tal-pinzell fil-figuri t'sfel. It-teknika tagħti karattru robust lill-kwadru, u dan donnu jsaħħaħ il-mument qawwi rrapreżentat, jigifieri l-ħruġ ta' Lazzru mil-Qabar.