Ir-Rużarju Mqaddes

Abstract

Santa Marija Maddalena de’ Pazzi twieldet nhar it-2 ta’ April 1566 mill-familja nobbli de’ Pazzi li kellha influwenza mhux żgħira fil-ħajja politika u soċjali ta’ Firenze. Fil-familja de’ Pazzi nsibu wkoll il-figura qaddisa tal-Beata Katarina de’ Pazzi, soru Franġiskana, li mietet fl-età ta’ 29 sena. Camillo Geri de’ Pazzi, missier il-qaddisa tagħna, kien igawdi rispett kbir mill-familja de’ Medici u ntgħażel ukoll bħala kummissarju u gvernatur tal-Gran Duka. Camillo żżewweġ lil Maria di Lorenzo Buondelmonti nhar l-1 ta’ Ottubru 1559 u minn dan iż-żwieġ twieldet il-qaddisa tagħna li fil magħmudija ngħatalha l-isem ta’ Caterina u fil-Griżma dak ta’ Lucrezia, isem li qatt ma ħamlet u qatt ma użat minħabba l-konnotazzjonijiet xejn sbieħ marbutin mal-magħrufa Lucrezia Borgia (+1519).