Il-liturġija tal-festa ta’ San Ġiljan (I) : is-silta tal-Evanġelju tal-Festa ta’ San Ġiljan (Mt 25:31-46)

Abstract

Is-silta tal-Evanġelju Ii tiġi pproklamata fil-jum tal-festa ta' San Ġiljan hija waħda mill-aktar siltiet qawwija Ii nsibu fit-Testment il-Ġdid, silta Ii jirrakkuntaha biss I-Evanġelista San Mattew, Mt 25,31-46. L-istudjużi tal-Evanġelju mhux kollha jaqblu fuq jekk fil-fatt għandniex inqisu din is-silta fil-kategorija ta' parabbola. Fost l-istudjużi Ii jinkludu Mt 25,31-46 fost il-parabboli ta' Ġesu, nsibu Iil Joachim Jeremias u Jan Lambrecht. Studjuzż oħra, imbagħad, iħallu din is-silta barra fl-istudji tagħhom tal-parabboli filwaqt Ii jippreferu jsejħulha dramm apokalittiku' minħabba Ii ħafna drabi l-parabboli ta' Ġesu jibdew b'xeni familjari meħudin mill-ħajja ta' kuljum. Oħrajn isejħulha 'diskors revelatorju pitturi b'kuluri jgħammxu u b'temi qawwija.' Mingħajr ma nidħlu fid-dibattitu' ta' din il-kwestjoni, ser nippruvaw nikkonċentraw fuq il-mistoqsijiet l-aktar interessanti fuq dak Ii Ġesu jew I-Evanġelista San Mattew seta' kien qed ifisser f'dan it-test Ii għall-konvenjenza sejrin insejħulu parabbola.