Il-Kappella tal-Madonna tal-Grazzji jew tal-Libertà fil-knisja l-antika tal-Patrijiet Kapuċċini fil-Furjana

Abstract

Deskrizzjonijiet differenti dwar il-knisja l-antika tal-Kapuċċini fil-Furjana waslu għandna permezz ta' kitbiet Ii ħallielna Patri Pelaġju Mifsud minn Ħaż-Żebbuġ (1708-1781). Fost il-kitbiet ta' dan il-Kapuċċin magħruf insibu l-Kronaka Ii fiha huwa jagħtina aħbarijiet marbuta ma' kważi l-ewwel tliet mitt sena tal-preżenza tal-Kapuċċini f'Malta, kif ukoll manuskritt li fih informazzjoni dwar kunventi tar-Reliġjużi Ii kien hawn fil-gżejjer Maltin. Din il-knisja Ii sfortunatament ġiet meqruda fit-Tieni Gwerra Dinjija, kienet iddisinjata mill-lnġinier Malti, Ġilormu Cassar u mħallsa mill-Gran Mastru Verdale. Patri Pelaġju jiddeskrivi l-bini ta' din il-knisja bħala wieħed Ii kien nieqes mit-tiżjin arkitettoniku: "Meta wieħed josservaha, il-knisja tidher mibnija mingħajr ebda tirqim arkitettoniku; umli, baxxa, tawwalija mingħajr proporzjon, bis-saqaf nofs tond jew aħjar troll, bi pjattaforma fuqu, hekk li aktar minn kull ħaġa oħra tagħti dehra ta' kwartier fortifikat, u tħares fid-direzzjoni tat-Tramuntana.