Sententia pia? Opinio tolerata? L-assunzjoni ta’ san ġużepp u l-qalb safja tiegħu

Abstract

F’Simpożju Marjoloġiku dwar il-Verġni Marija mtellgħa fis-sema bir-ruħ u l-ġisem, it-teologu Luca Genovese tkellem dwar it-teoloġija tal-Assunzjoni u l-possibbiltà tal-applikazzjoni tagħha fil-konfront ta’ San Ġużepp. Din l-opinjoni teoloġika li l-Maġisteru tal-Knisja qatt ma ppronunzja lilu nnifsu2 dwarha, hija teoloġija li żviluppat fit-tieni elf sena ta’ Kristjaneżmu u tmur lura għal awturi bħal San Pietru Damjani (1007–1072) u Ġwanni Gerson (1363– 1429) fil-Konċilju ta’ Kostanza. Kif naraw iktar ’il quddiem, mal-fehma pija tal- Assunzjoni tintrabat ukoll il-fehma u l-kult lejn il-Qalb Safja ta’ San Ġużepp, li hija differenti teoloġikament mid-devozzjoni lejn San Ġużepp ta’ qalb safja u li l-Knisja qatt ma ppronunċjat ruħha dwarha, jekk mhux f ’kundanni espliċiti kull fejn qam il-kult lejn il-Qalb ta’ San Ġużepp. Għall-fini ta’ din il-kitba, l-ewwel se nittratta l-kwistjoni tal-Assunzjoni u wara ngħaddi għall-kwistjoni tal-kult lejn il-Qalb ta’ San Ġużepp, u dan kif għandu jkun fid-dawl tal-Kristoloġija u l-Marjoloġija.