Alla għadu magħna

Abstract

Qegħdin fil-bidu ta’ Sena Litruġika ġdida li matulha se nkunu mistiedna biex mill-ġdid nerġgħu ngħixu l-misteru tas-salvazzjoni. Imma f’dan il-mument partikulari ma jistax ma jiġix f’moħħna l-kliem ‘Immanu-el – Alla magħna’. Dan hu dak li qegħdin nippreparaw għalih matul iż-żmien tal-Avvent. Dan hu dak li se nkunu qed niċċelebraw fil-festi tal-Milied. Bħal kull ħaġa oħra din is-sena se nkunu qed niċċelebraw Milied b’differenza minħabba r-realtà tal-pandemija li qegħdin ngħixu bħalissa, u li ma tħalliniex bħas-soltu li nagħmlu l-manifestazzjonijiet tas-soltu li bihom nuru kif Alla xtaq u ried li jibqa’ magħna. Faċli li meta naraw dak li aħna għaddejjin minnu li nistaqsu lilna nfusna jekk Alla għadux tassew magħna jew le. Imma aħna nafu li Alla għadu magħna, imma xi kultant iħobb joqgħod jilgħad noli magħna!