Il-Magisteru Pontificju dwar San Guzepp mill-1479 sal-1978 : 500 sena ta' dokumenti u dokumentazzjoni

Abstract

ll-Missjoni tal-Papali jikkonferma fil-fidi lill-membri tal-Knisja Huwa xieraq li fi ktieb ta' natura enċiklopedika dwar San Ġuzepp, bhalma huwa dan li għandna f'idejna, ikun hemm spazju għal riċerka dwar il-pronunzjamenti tal-Magisteru Pontifiċju. Peress Ii kontribut ieħor f'dan il-ktieb qed jittratta dak li qalu l-Papiet dwar San Guzepp, gie deċiz li l-kontenut ta dik il-kitba jkopri l-Papiet minn Ottubru 1978 (jiġifieri mill-elezzjoni tal-Papa San Gwanni Pawlu II) sal-lum, filwaqt Ii din ir-riċerka modesta tieghi tiffoka fuq il-Papiet kollha ta' qabel u l-Magisteru tagħhom sa dik id-data. Il-Providenza riedet li l-perjodu kollu li se jiġi studjat permezz ta' din ir-riċerka huwa twil eżattament medda ta' ħames mitt sena (1479-1978). F'dan in-nofs millennju, kienu hafna l-Papiet Ii mexxew il-Knisja Kattolika u Ii riedu jew ixerrdu d-devozzjoni Iejn San Ġużepp jew jgħallmu dwaru.