Il-kummissjoni u t-twettiq tat-tribuna fil-Bażilika ta' San Ġorġ : għeluq il-ħamsin sena mit-twaqqif tagħha

Abstract

Fis-sena li ntemmet, it-tribuna fil-Bażilika ta' San Ġorġ għalqet ħamsin sena minn meta fi-1967 twaqqfet maestuża 'l fuq u madwar I-altar mejda li kien tpoġġa fi-1960. Nistgħu ngħidu b'ċertezza li din l-opra artistika kienet il-quċċata ta' sensiela ta' inizjattivi u xogħlijiet li saru biex il-knisja parrokkjali tal-gżira Għawdxija, li kienet ewlenija fi-importanza tagħha minn zmien il-qedem, tissebbah aktar u tikber fil-prestigju artistiku taghha. Imma fuq kollox it-tribuna u I-altar ta' taħtha saru biex iservu ta' simbolu aħħari u singulari ta' meta l-mibki Papa Piju ħXII (1876-1958) kien għolla l-knisja Ġorġjana għad-dinjita ta' Bazilika; abar li kienet waslet u ntlaqgħet b'entużjażmu kbir nhar il-Ħadd 5 ta' Ottubru 1958. L-istudju tal-istorja tal-arti ma jiffokax biss fuq l-apprezzament ta' xi xogħol artistiku, imma jinkludi wkoll diversi fergħat oħra. Waħda minn dawn il-fergħat hi l-importanza li studjuż tal-arti jagħti biex jifhem u jiġbor tagħrif fuq il-kummissjoni ta' xi opra tal-arti li tkun tinteressaħ: il-mod ta' kif u lil min ingħata x-xogħol - li jinkludi wkoll l-għaliex intgħażel artist minn iehor; il-preparamenti li saru u d-deċizjonijiet li ttieħdu biex intgħazel id-disinn/mudell aħħari; il-persuni kollha li kienu involuti kemm fil-kummissjoni u kemm fit-twettiq tal-opra, f'dan il-każ tagħna fejn twettaq ix-xogħol ta' funderija; u mbaghad kif l-opra waslet u twaqqfet fil-Bażilika Ġorġjana. Dan l-istudju hu msejjes fuq sensiela ta' dokumenti li jippartienu prinċipalment lill-Arkivju li hemm fil-Bażilika ta' San Ġorġ u ieħor fil-kollezzjoni ta' John Cremona li kien jippartieni lill-Arċipriet Mikiel Cefai (1899-1981). Id-dokumenti kollha li kienu studjati f'dan l-eżerċizzju huma ġabra sostanzjali ta' ittri li nkitbu minn Ruma minn Paolo Pace kemm lil Dun Anton Grech Vella (1917-2008) u kemm lill-Arċipriet Cefai. Min-naħa l-oħra, wieħed għandu jenfasizza li ma kellniex aċċess ghal-ittri li ntbagħtu minn Għawdex lejn Ruma.