Il-Franċiżi f'Għawdex (1798-1998) u l-kwadru tal-Madonna tal-Grazzja fil-Knisja Parrokkjali ta' San Ġorġ

Abstract

Nhar id-9 ta' Ġunju 1798 għal xi l-erbgħa ta' wara nofs in-nhar, dehret fuq ix-xefaq ta' Malta l-flotta Franċiża. Kien hemm tmintax-il bastiment kbir, tmintax-il frajgata, erba' mitt mirkeb żgħir, sittin elf suldat u elf u ħames mitt baħri. Langier, djarista, ifisser fid-dettal kif lil-għodu tad-9 ta' Ġunju 1789 il-vapuri kienu jbaħħru lejn il-kosta ta' Għawdex. Napuljun kien għażel lil Ġeneral Ebenezer Reyniet biex jattakka lil Għawdex, billi jniżżel it-truppi f'xi post fejn San Blas, u l-bajja tar-Ramla, preferebilment Għajn Riħana. Kbir kien il-biża' ta' l-Għawdxin. Il-patrijiet Kapuċċini marru lejn Malta. Is-saċerdot Dun Ġużepp Attard ħa l-kura ta' dan is-Santwarju ta' Marija li ġie abbandunat. Kuljum kien imur iqaddes fl-artal tagħha bil-periklu li jarawħ u joqtluh il-Franċiżi miġburin fil-Kastell. Ġurnata waħda dan is-saċerdot qala' l-inkwadru tal-Madonna u tellgħu miegħu fil-Knisja Parrokkjali ta' San Ġorġ.