L-Ispirtu s-Santu fl-Evanġelju skont San Gwann

Abstract

Il-kelma bil-Grieg għall- Ispirtu hija pneuma tagħmel parti mill-vokabularju teoloġiku tal-Evanġelju skont San Ġwann, fejn tintuża għal tant drabi b’referenza għall- Ispirtu ta’ Alla, għalkemm xi drabi tintuża għall-ġewwieni tal-bniedem. Meta San Ġwann juża din il-kelma b’referenza għall-Ispirtu ta’ Alla, nistgħu ngħidu li juża b’erba’ modi differenti. (i) L-Ispirtu huwa l-qawwa ta’ Alla mogħti lill-bniedem. (ii) L-użu tal-kelma “Spirtu” hija marbuta mal-preżenza ta’ Alla li twassal għall-ħajja ġdida f ’dawk li jemmnu. (iii) Din il-ħajja ġdida hija ppreżentata bħala “twelid.” (iv) Il-kelma “pneuma” hija użata f ’rabta mal-kelma parakletos, l-avukat, dak li jgħinek, imsejjaħ “l-Ispirtu tal-Verità,” għalkemm fi Ġw 14:26, l-avukat hu msejjaħ “l-Ispirtu s-Santu.” F’dan l-artiklu sejrin naraw l-użu tal-kelma pneuma fl-Evanġelju skont San Ġwann. B’dan il-mod inkunu nistgħu nkomplu napprezzaw it-teoloġija profonda ta’ dan l-Evanġelju ppreżentata permezz tannarrativa li hija differenti minn dik tal-Evanġelji Sinottiċi.