Delitt u kastig ta' Fiodor Mikailovic Dostoevski : studju ta' ribell

Abstract

Qasam ġdiid akkdemiku huwa "Studji Russi" li jien qed norganizza fl-Universita. Dawn l-istudji, imsejsa fuq perspettiva viżwali u multi-artistika, jistħarrġu żminijiet differenti ta' l-iżvilupp soċjo-kulturali fir-Russja u fir-Repubbliki Sovjetiċi sa I-era moderna tal-glasnost u I-perestroika. U tingħata l-attenzjoni Ii hemm bżonn lit-taqlib Ii seħħ fil-letteratura, fil-mużika, fil-filosofija, fit-teatru, fl-arti, fl-opera, fil-ballet u fl-Istorja. Mario Azzopardi, ko-editur tar-rivista Analiżi, talabni, aħna u nitkellmu flimkien, biex inkompli b'dan il-programm b'kitbiet supplementari Ii jgħoddu għall-kors ta' "L-Oqsma ta' l-Għerf" fis-Sitt Klassi. Għal Azzopardi s-sillabu ta' "L-Oqsma" jieħu xeħta aktar dinamika bit-trawwim ta' materjal Ii mhux biss joffri l-opportunita għall-istħarriġ, imma wkoll iqajjem id-diskussjoni u jħaddem ideat ġodda. Qbilna Ii għandu jintgħażel Defitt u Kastig ta' F.M. Dostoevski, bħala kapolavur ta' importanza universali u Ii qiegħed sew fis-sillabu ta' "L-Oqsma ta' l-Għerf" kif ukoll fl-i"Studji Russi" fl-Universita. Irrid nisħaq fuq l-apprezzament u l-kritika suġġestiva u x'aktarx ġdida tiegħi tal-kitba ta' Dostoevski. Fl-istess waqt l-istudenti nippretendi Ii jiżviluppaw burdata kritika u independenti lejn xogħol bhal dan: jidhirli Ii bis-saħħa tal-kritika u tal-kontradizzjonijiet' wieħed jasal għall-essenza u għall-verita. Irrodd ħajr till-Bord editorjali ta' Analiżi, immexxi minn Dr Paul Heywood, talli tani ċ-ċans inxandar dan il-ktejjeb. [Daħla minn Prof. Giuseppe Schembri Bonaci]