Dun Karlu Manché u l-ispiritwalità Karmelitana

Abstract

Magħrufa r-rabta ta' Dun Carlo Manché (1905-1950) mal-Karmelitani, daqskemm hi magħrufa d-devozzjoni u l-imħabba ta' iben li huwa kellu lejn il-Madonna tal-Karmelu. U ma setax jkun mod ieħor jekk naraw lil Dun Carlo fil-kuntest ekkleżjali u soċjali ta' żmienu. L-ewwel nett, Carlo Manché twieled il-Belt Valletta, fejn insibu s-Santwarju tal-Rev. Dr Charlo Camilleri tal-Madonna tal-Karmnu, li fih, għall-ewwel darba f'pajjiżna, setħet il-grajja tal-Inkurunazzjoni Kanonika mill-Vatikan fl-1881 tax-xbieha prodigjuja tal-Madonna tal-Karmnu. Dan setħa minħabba d-devozzjoni kbira li tgawdi Sidtna Marija taħt dan it-titlu fil-Gżejjer Maltin. Bizzejjed ngħidu li prattikament ma hawnx knisja f'pajjiżna li m'għandhiex tal-anqas artal jew xbieha tal-Madonna tal-Karmnu, hekk kif ukoll sal-lum, ma nkunux niżbaljaw jekk ngħidu li ma hemmx dar Maltija li gatt ma daħal fiha fiha l-Labtu tal-Madonna tal-Karmnu. U dan ukoll grazzi għat-tħabrik mhuz biss tar-reliġjużi Karmelitani, iżda wkoll ta' San Ġorġ Preca, li ried li kull tifel u tifla ta-preċett jinkitbu fil-Labtu tal-Madonna tal-Karmnu.