Karattri popolari fil-letteratura għat-tfal f'Malta u l-effetti tagħhom fuq il-qarrejja : analiżi kritika u multimodali

Abstract

L-għan ta’ dan l-istudju huwa li jinħarġu sett ta’ perċezzjonijiet b’rabta mal-karattru femminili f’erba’ karattri popolari mil-letteratura Maltija: Kunċett, Marinton, Mastru Gerfex u Fra Mudest. Barra minn hekk, it-tieni skop ta’ din ir-riċerka huwa sabiex jintefa’ dawl fuq erba’ karattri popolari mil-letteratura Maltija, li ftit li xejn jingħataw importanza fl-iskejjel medji Maltin. Sabiex jitwettqu dawn l-għanijiet, se jiġu intervistati adolexxenti bniet, li qatt ma semgħu b’dawn l-erba’ karattri u se jagħtu l-interpretazzjonijiet tagħhom dwar dawn ilkarattri. Imbagħad, din l-interpretazzjoni se tkompli tissaħħaħ permezz talinterpretazzjonijiet mogħtija mit-tliet awturi li ħolqu dawn l-erba’ karattri: Trevor Żahra, Charles Casha u Carmel G. Cauchi. Skont dak li se joħroġ minn dawn iż-żewġ partijiet, se jinbnew għadd ta’ suġġerimenti pedegoġiċi u multimodali, ta’ kif dawn il-karattri jistgħu jintużaw f’xi oqsma u ħiliet fil-lezzjoni tal-Malti. Mhux hekk biss, iżda minħabba li dawn il-karattri mhumiex parti mill-karattri li jiġu studjati fl-iskejjel medji Maltin, se jingħataw xi suġġerimenti għal waqt il-qari tal-adolexxenti.