Mixja mas-Sezzjoni tal-Klieb tal-Pulizija

Abstract

Is-Sezzjoni tal-klieb fi ħdan il-Korp tal-Pulizija ġiet mwaqqfa fl-1959. Dak iż-żmien kienet magħmula minn żewġ pulizija u żewġt iklieb biss. Din is-sezzjoni ma kinietx dejjem fil-Mosta fejn tinstab illum, imma l-ewwel żewġ kennels kienu fejn illum tinsab il-Vilhena Hall. Meta telqu l-Ingliżi minn Malta, is-Sezzjoni tal-klieb kienet ġiet trasferita f'Sa Maison Ditch fejn damet sa Frar tal-1995, meta mxiet għal fejn qedgħa llum fil-fortizza tal-Mosta. Fost ix-xogħol li sar minn din is-sezzjoni kien: il-protezzjoni u s-sigurtà, tfittxija għall-kontra s-sustanza illegali tad-drogi, traċċar tan-nies mitlufa jew maħruba, u tfittxija tal-armi tan-nar u materjal splużżiv. Is-sehem tal-Klieb tal-Pulizija f’attivitajiet li kien jorganizza l-Korp imur lura żmien twil. Kienu jagħmlu wirjiet bil-klieb ix-Chalet tas-Sliema u x-Xagħra tal-Floriana fejn kienu jiġbru t-tfal tal-iskejjel. Il-klieb kienu jgħaddu minn ċrieki tan-nar, minn taħt xi mina u jispiċċaw b’xi dimostrazzjoni ta’ arrest bl-għajnuna tal-kelb. Dawn il-wirjiet minn dejjem kienu jkunu mistennija mill-pubbliku u dan għadu sal-ġurnata tal-llum.