Ġirolmu Grazjan (1545-1614) : il-kontemplazzjoni u l-meditazzjoni

Abstract

Għad-dell tal-ġganti mistiċi Karmelitani tas-seklu XVI - Tereża ta' Ġesu, Ġwanni tas-Salib, Ġwanni ta' San Sansun, u Maddalena de' Pazzi – ġiet iffurmata skola Karmelitana ta' ħsieb u, aktar minn hekk, ta' talb li fiha mhux tant ġie mfassal metodu ta' talb imma stil, jew aħjar, vjaġġ ta' talb. L-ispirtu tagħhom malajr infirex mażżewġ Ordnijiet Karmelitani hekk li, għalkemm ċertament b'enfasijiet differenti, il-kitbiet tagħhom iddeterminaw kif il-Karmelu għadu sal-lum jifhem u jgħix il-kariżma tiegħu fi ħdan il-Knisja. Minkejja d-differenzi, il-kariżma Karmelitana fis-sekli XVI u XVII żviluppat madwar iċ-ċertezza li l-qofol talEvanġelju huwa t-talb veru, tal-qalb.