Il-kontemplazzjoni ċċelebrata : fil-Liturġija Karmelitana medjevali

Abstract

Il-pjan ta' Alla - imwettaq bis-sħiħ minn Ġesu Kristu - li ried juri lilu nnifsu lilna l-bnedmin, isalvana, u jdaħħalna f'komunjoni aktar intima miegħu flimkien mat-tweġiba tagħna l-bnedmin fit-tifħir u r-radd ta' ħajr lil Alla jiġu flimkien fil-liturġija. Il-liturġija għalhekk hija l -ħidma ta' Kristu u t-talba tal-Knisja, hija sinjal li jidher tal-għaqda ta' Alla u l-bnedmin permezz ta' Kristu, bħal Ġisem Mistiku magħmul minn ħafna membri imma Ras waħda li hu Kristu . Imkien daqskemm fil-liturġija ma nersqu qrib il-preżenza sagra ta' Alla . Imkien daqskemm fil-liturġija ma niċċelebraw flimkien bħala komunità Nisranija waħda l-għeruq tagħna, u ninbnew fl-imħabba kbira li biha Alla ħabbna.