It-tħaddim tal-Malti minn Pietru Pawl Saydon fit-traduzzjoni tat-Testment il-Ġdid mill-Grieg

Abstract

Mons. Professur Pietru Pawl Saydon jitqies ġgant fit-traduzzjonijiet tal-Bibbja għall-Malti. Meta beda jaqleb it-Testment il-Qadim mil-Lhudi u l-Aramajk, u beda jitbgħu ktieb ktieb, bdew ukoll jaslulu reċensjonijiet saħansitra minn barra minn Malta. Fit-Testment il-Ġdid donnhom li l-affarijiet ħadu bixra kemxejn differenti. L-istudent, ħabib u dixxiplu tiegħu f’ħafna oqsma, Mons. Prof. Dun Karm Sant, li din is-sena niċċelebraw il-100 sena minn twelidu, jagħmel stqarrija f’taħdita fis-sede ċentrali tas-Soċjetà tal-MUSEUM, il-Blata l-Bajda – l-editriċi u pubblikatriċi tal-Bibbja Saydon – li jidhirli tiġbor fiha dak li hemm x’tgħid dwar it-traduzzjoni ta’ Saydon: “l-opra monumentali ta’ Saydon… hija l-pedament, l-għajnuna, l-ispirazzjoni u l-punt ta’ referenza għalina lkoll, biblisti u letterati.” [Silta mill-artiklu]