Qtil fil-ħabs ta' Kordin

Abstract

Dan il-każ seħħ sittin sena ilu u kien ħasad lill-pubbliku; saħansitra kien ġie diskuss fl-istess jum waqt l-laqgħa ta' l-Assemblea Legġslattiva u l-Ministru tal-Ġustizzja, l-onor Dr. Francesco Buhagiar kien għamel stqarrija fil-kamra tad-deputati wara Ii huwa stess għamel żjara l-ħabs ftit ħin wara tat-traġedja. Nhar it-tnejn l-ewwel ta' Settembru 1924, il-ħabsi Antonion Spiteri, li kien jaħdem ġewwa l-istores tal-ħabs stess, ħebb għall-istore keeper u gwardjan tal-ħabs, Albert Edward Pearson, b' mannara li kienu jużaw fl-istores biex iqattgħu l-laħam u qatlu b'daqqiet f'rasu. Il-gwardjan Carmelo Azzopardi wasal fuq il-post u beda jagħjjat għall-għajnuna, u ħelisa ħafif avolja Spiteri prova jattakkaħ. Inqala panidmonju sħiħ u fil-ġenn Spiteri irnexxielu jasal sa fejn l-uffiċju tac-Chief Warder. Iċ-Chief Warder Grech Gatt ħareġ mill-uffiċju tiegħu biex jara x'kien qed jiġri u sab lil Spiteri ma' wiċċu, u dan mill-ewwel xejjer il-mannara lejn ras Grech Gatt u qatlu. Spiteri kien irnexxielu jaħrab mil-ħabs iżda nqabad ftit wara, u wara li deher quddiem il-qorti, intbgħat sptar mentali wara verdett unanimu li Spiteri kien marid.