L-armi tal-pulizija

Abstract

B'effett mill-1 ta' Jannar 1984 kien hemm tibdil fl-arma tal-Korp tal-Pulizija u dan wassalni nippubblika dan l-artiklu fejn jidhru wkoll ritratti u informazzjonijiet oħra dwar l-armi li kellu l-Korp f'dawn l-aħħar mija u sebgħin sena. Kif kien intqal f'artiklu dwar l-uniformijiet tal-Pulizija, fl-ewwel żminijiet tal-Korp, il-Pulizija ma kienux jilbsu uniformi u naturalment lanqas brieret jew elmijiet. L-ewwel uniformijiet x'aktarx dehru fl-1839 meta kienet tintlibes ġakketta twila u tomna li fuqha ma kienet titwaħħal l-ebda arma. L-istess ġara fl-lngilterra u għalkemm il-Korp tal-Pulizija Ingliż twaqqaf fl-1829, l-ewwel arma dehret fl-1856 fuq l-elmu iswed li speċi tiegħu għadu jintlibes sal-lum.