Apprezzament : Mons. Ġużepp Curmi (1927-2011)

Abstract

Dan l-artiklu huwa bijografija ta Mons. Ġużepp Curmi, imwieled il-Munxar, Għawdex. Mons. Curmi ġie ordant saċerdot il-Ħadd 26 ta' April 1953 u serva ful parroċċa Ta' Sannat, li dak iż-żmien il-Munxar kien jifforma parti miegħu. Fl-1960 intagħżel bħala rettur tal-knisja tax-Xlendi, u nduna bil-bżonn li titkabbar il-kappella biex tilqa l-influss ta' nies fis-sajf. Bil-ħidma tiegħu u l-għajnuna tal-benefatturi, bejn l-1969-1972 inbniet knisja ġdida li tintegra l-kappella fid-daħla tal-knisja l-ġdida. Barra mit-tħabrik għall-Munxar, Mons. Curmi serva f'oqsma oħra għal Għawdex kollu, fosthom bħala kappillan tal-Kor tal-Kapitlu tal-Katidral t'Għawdex, Kanoniku Kapitulari tal-Katidral, direttur tal-"Orphans Press" (illum il-Gozo Press), uffiċċjal fil-Kurja Djoċesana u rapreżentant fil-Kumitat għar-Rfiroma tal-Amministrazzjoni Ekonomika tal-Beni Mobbli u Immobbli tal-Arċidjoċesi ta' Malta u tad-Djoċesi ta' Għawdex, u amministratur parrokkjali tal-parroċċa tal-Madonna ta' Loreta f'Għajnsielem.