Il-pittura ta' Ġesù u Marija - konservazzjoni u restawr

Abstract

Matul l-2022 saru interventi ta’ restawr u konservazjzoni fuq il-kwadru ta’ Ġesù u Marija, pittura fuq it-tila tas-seklu 18, maħduma mill-pittur importanti Malti Alessio Erardi. L-istat tal-pittura qabel ir-restawr kien ħażin u fi bżonn kbir li tiġi rrestawrata. Dan minħabba li ħafna mill-kuluri kienu qegħdin jaqgħu u jitfarrku. Kellha wkoll ħafna interventi ta’ rtokki goffi, li xi drabi kienu saħansitra interpretazzjonijiet manipulattivi u invażivi fuq il-pittura oriġinali, li saru mir-restawraturi preċedenti. Il-proċess kien twil u metikoluż u nvolva tindif estensiv tas-saffi ta' verniċ, trattamenti ta' konsolidament, tilar ġdid, u rtokki bil-kulur.