L-isqof Dumnikan Mons. Fr. Angelo Portelli

Abstract

Danl-artiklu jlaqqana ma' Patri Angelo Portelli li għalkemm kien ġej minn familja fqira rnexxielu jieħu l-ewwel edukazzjoni tiegħu u ta' sittax il-sena ngħaqad mal-patrijiet Dumikani fil-kunvent tar-Rabat. Ġie ordnat sacerdot f'Noto fi Sqallija, nhar id-29 ta' Novembru 1874. Wara dan huwa ma waqafx mill-istudji tiegħu u sentejn wara ggradwa fit-Teologija. Beda jgħallem il-Filosofija u t-teologija, kemm bil-lingwa Maltija kif ukoll bil-lingwa Taljana. Patri Angelo kompla jistudja biex jilħaq majjistru tat-tagħlim. Hu kien predikatur tajjeb u mfittex, ingħata l-karigi ta' prjol u fil-bidu tas-seklu għoxrin intgħażel biex imxemmi l-parroċċa ta' Porto Salvo l-belt. Ma kinitx xi ħaga li ssir ta' spiss li l- Arċisqof jaħtar patri minflok qassis biex imexxi s-Seminarju, għalhekk jidher li dan Patri Ang kien ta' kapacitajiet kbar, għaliex l-Arċisqof ta' Malta Mons. Pietru Pace għażlu biex ikun Eżaminatur fis-Seminarju. Nhar id-19 ta' Awissu 1910 Patri Ang inħatar Vizitatur Appostoliku ta' l-ordnijiet religjuzi femminili tad-Djoċeżi ta' Malta u fit-12 ta' Marzu 1911, il-Papa Piju X ħatru Isqof Awżiljarju. Sentejn wara hu nħatar bħala Viċi President tal-Kumitat Organizzattiv tal-Kungress Ewkaristiku Internazzjonali li kien sar f'Malta fl-1913. Patri Angelo flimkien ma' Mons. Depiro kienu strumentali biex ikkalmaw l-irjus sħan waqt l-irvellijiet tas-sette gunio 1919.