Minn dawra durella sa onġi onġi onġella

Abstract

B’dan l-artiklu, Dr Michael Spagnol joħodna dawra mal-versi tat-tfulija. It-taqbil tat-tfal hu l-ewwel forma ta’ letteratura li niltaqgħu magħha. Minn meta ta’ trabi jħabbtulna jdejna flimkien, bħallikieku nċapċpu mal-banni bannozzi, sa meta f’ċirku ma’ sħabna tal-iskola nkantaw dawra durella. Meta naqilgħu sinna basinna bajda ħalib u nqegħduha fil-qasrija, inkella meta niġġieldu u nigganċjaw is-saba’ ż-żgħir biex nagħmlu paċi kulaċi. Dawn il-versi ħfief, li jitlissnu b’kantaliena mit-tfal jew lit-tfal, jixegħlu l-fantasija tal-kbar u tażżgħar tant li jibqgħu jintirtu minn ġenerazzjoni għal oħra.