Online jew onlajn?

Abstract

Dan l-artiklu tas-Sur Thomas Pace jagħti ħarsa ħafifa lejn il-proċess twil ta’ konsultazzjoni li wassal għall-aġġornament tar-regola tal-kitba tal-kliem mill-Ingliż fil-Malti li wara 34 sena ma baqgħetx effettiva għal żmienna u għal min jikteb bil-Malti. Sa mit-twaqqif tiegħu l-Kunsill tal-Malti kien konxju mid-diffikultajiet li kienet qed toħloq ir-regola ortografika tal-1984 dwar il-kitba tal-kliem mill-Ingliż. Il-kliem mill-Ingliż żdied sew fi lsienna u din ir-regola pjuttost qasira bdiet tinħass wiesgħa u vaga għal żmienna. Għalhekk il-Kunsill iddedika għaxar snin sħaħ għad-diskussjoni ma’ kull min kien interessat u ma’ min juża l-aktar il-Malti f’xogħlu. Sa ma wasal għad-deċiżjonijiet tiegħu, il-Kunsill qies li jisma’ lill-għalliema tal-Malti u mhux, lill-awturi u l-pubblikaturi, lill-ġurnalisti u x-xandara, lit-tradutturi u l-qarrejja tal-provi, lill-impjegati tas-settur pubbliku, kif ukoll lill-pubbliku inġenerali.