May Butcher : l-Ingliża li ħabbet il-Malti u xprunat it-traduzzjoni

Abstract

Fl-istorja twila ta’ lsienna hemm għadd sabiħ ta’ barranin li ħabbew il-Malti u tgħallmuh imma ftit kien hemm minnhom li ħabbewh u stinkaw għalih daqs May Butcher. Din l-Ingliża li għal tmintax-il sena għexet f’pajjiżna, mhux biss tgħallmet u ħaddmet il-Malti, iżda saħansitra xerrditu bilpubblikazzjoni tal-grammatika bl-Ingliż tagħha, bit-traduzzjoni tagħha ta’ xogħlijiet klassiċi Maltin u b’ħidmietha bħala membru akkademiku tal-Għaqda Kittieba tal-Malti, aktarx l-unika mara Ingliża li qatt kienet membru ta’ din l-Għaqda, illum l-Akkademja tal-Malti. Hi kienet kittieba u traduttriċi prolifika li kienet temmen bis-sħiħ li l-korp letterarju Malti jeħtieġ it-traduzzjoni biex jikber, jinxtered u jiġi apprezzat.