Fi lsien in-nies : il-Malti madwarna

Abstract

Fil-Kostituzzjoni ta’ Malta l-ilsien Malti hu stabbilit bħala l-ilsien nazzjonali ta’ Malta, filwaqt li l-Malti u l-Ingliż huma l-ilsna uffiċjali ta’ Malta. F’dan l-artiklu l-Prof. Ray Fabri u s-Sur Thomas Pace jispjegaw għaliex hu importanti li l-ambjent ta’ madwarna jkun bilingwi. Il-poplu Malti meqjus ‘uffiċjalment’ bilingwi, jiġifieri fil-ħajja ta’ kuljum juża żewġ lingwi, il-Malti u l-Ingliż. Fl-istess ħin lingwa minnhom, jiġifieri l-Malti, tingħata rwol privileġġat, għax meqjusa mhux biss lingwa uffiċjali imma wkoll il-lingwa nazzjonali.