Nitfa nitfa fuq l-Imqabba

Abstract

F'dawn l-aħħar snin minn meta s-Soċjetà Mużikali Madonna tal-Ġilju ħadet l-inizjattiva biex tmexxi stazzjon radjufoniku tal-komunita, l-awtur u martu kellhom l-opportunità li jirriċerkaw, jirrekordjaw u jippreżentaw xejn anqas minn sittin programm fuq l-istorja, il-kultura u l-identità tal-Imqabba u niesha. Dawn il-programmi kienu ntlaqgħu b'mod ferm pożittiv mill-Imqabbin meta kienu jisimgħuhom fl-iskedi tas-sajf, matul il-gimgħa tal-festa tal-Madonna tal-Ġilju, u tax-xitwa, meta jkunu qeghdin jiċċelebraw il-festa tal-Kunċizzjoni. Fuq talba ġenerali ta' bosta mis-semmiegħa tar-radju Tal-Ġilju FM, minn din is-sena se jibdew jiġu ppubblikati l-iskripts ta' dawn il-programmi biex b'hekk fuq medda ta' snin ikollkom f'idejkom il-kitba kollha u ir-riċerka għas-sensiela 'Nitfa Nitfa Fuq l-Imqabba'.