Rikorsi mill-1849 sal-1853 li jixħtu dawl fuq il-Mellieħa f'nofs is-seklu dsatax

Abstract

Qabel ma nbniet il-Knisja Parrokkjali tal-Mellieħa Ii nsibu llum, is-Santwarju tal-Madonna kien iservi bħala l-knisja prinċipali tal-Mellieħa. Peress li s-Santwarju beda jgawdi minn ċertu awtonomija, il-Kappillan Dun Giuseppe Baldacchino seta' jagħmel xi proġetti sabiex din il-knisja twettaq il-ħidma tagħha b'mod aħjar. Għal kull biċċa xogħol jew oġġett Ii kien hemm bżonn jinxtara, il-Kappillan kien jikteb rikors jew talba lill-Isqof sabiex jingħata permess. Ir-rikorsi Ii saru bejn l-1849 u l-1853 lill-Isqof Publiju Sant kollha ġew aċċettati. Wieħed jista' jara dan kien żmien fejn sar xogħol ta' manutenzjoni tas-Santwarju iżda fl-istess waqt kienu qed isiru talbiet għal xiri ta' affarijiet Ii kienu jintużaw fil-funzjonijiet reliġjużi tal-parroċċa. Dawn ir-rikorsi juru kemm il-Mellieħa f'nofs is-seklu 19 reġgħet bdiet tieħu nifs ġdid bħala parroċċa u anke bħala raħal.