Dun Pawl Micallef (1897-1956)

Abstract

Meta wieħed jara l-Oratorju Don Bosco f'Victoria, Għawdex ma jistax ma jiftakarx f'Dun Pawl Micallef. Dun Pawl twieled ir-Rabat, Għawdex fil-25 ta' Jannar 1897. Sa qabel ma qaddes kien jammira ħafna I-ideal ta' Don Bosco, u kien jittama li jaħdem mat-tfal u ż-żgħażagħ. Huwa ġie ordnat saċerdot fit- 22 ta' Dicembru 1923 fl-eta ta' 26 sena fil-Katidral ta' Għawdex. Il-ħsieb ta' Dun Pawl Micallef ma kienx biss li jorganizza oratorju fuq l-istil ta' Don Bosco, iżda li jibni Oratorju kbir biex jiġu fih is-Sależjani. L-Oratorju kif nafuh illum, barra l-kappella u l-parti ta' quddiem f'binja ta' żewġ sulari, ġie miftuħ uffiċjalment fit-8 ta' Ottubru 1949 u fil-31 ta' Jannar 1947, Dun Alwiġ Mizzi ntbagħat b'mod uffiċjali biex jieħu ħsieb l-oratorju.