It-tgħanniqa u l-bewsa tal-missier

Abstract

Dan l-artiklu jiffoka fuq il-ġmiel u l-grazzja tas-sagrament tal-Penitenza u r-Rikonċiljazzjoni. Jibda bir-realta' tad-dnub u l-użu ħażin tad-don tal-liberta'. Il-kitba timxi pass pass ma' waqtiet differenti -- imma deċiżivi -- tal-parabbola tal-iben il-ħali (jew prodigu). Il-quċċata tal-esperjenza hi t-tgħanniqa u l-bewsa tal-missier li juri ħniena straordinarja u jrodd id-dinjita' li l-iben iż-żgħir kellu qabel ma telaq mid-dar. Fl-isfond hemm ukoll il-figura enigmatika tal-iben il-kbir li għandu qalb iebsa, u li fil-fatt -- ghalkemm fiżikament dejjem mal-missier -- għandu qalbu mbiegħda wisq minn missieru. L-artiklu jagħlaq b'għadd ta' mistoqsijiet u punti għar-riflessjoni.