Il-kultura - it-tmien kapitlu

Abstract

L-għan ta' skaluni tal-kultura fis-suġġett tal-Malti jinbtu mir-rabta sfiqa li hemm bejn il-lingwa u l-kultura. Il-kultura ssawwar il-ħajja tagħna ta' kuljum u ssawwar u tiġi msawra mill-lingwa tagħna ta' kuljum. Il-kultura hija parti intrinsika mill-mod kif ngħixu u kif nitkellmu, tant li ħafna drabi aħna stess ma nkunux konxji mill-kumplessità u d-dinamiżmu li jinsabu fir-relazzjoni bejn il-lingwa u l-kultura. La l-kultura u lanqas il-lingwa m'huma entitajiet fissi jew fossili. It-tnejn jinsabu fi stat ta' bidla kontinwa. It-tnejn m'humiex realtà definita u monolitika. La l-lingwa u lanqas il-kultura m'huma realtajiet omogenji. Daqskemm għandek varjetajiet ta' Malti standard (barra d-djalett), daqshekk ieħor tista' ssib manifestazzjonijiet differenti ta' dik li tissejjaħ 'kultura'. Permezz ta' l-iskaluni l-istudenti jkollhom iċ-ċans li jesperjenzjaw it-temporanjietà tat-tnejn.