Il-pinna li tikteb u tpinġi : djalogu fuq xi aspetti letterarji u viżivi f’Oliver Friggieri

Abstract

Għażilna li nitkellmu flimkien skont l-orjentamenti u l-perspettivi akkademiċi tagħna – il-letteratura Maltija u l-pedagoġija, u l-istorja tal-arti rispettivament – fuq kittieb u intellettwali ewlieni Malti tas-seklu għoxrin, Oliver Friggieri. Qsamna dan id-djalogu fi tliet taqsimiet, tliet ċrieki li jippruvaw jagħtu laqtiet u jidħlu aktar fil-fond fil-personalità tiegħu. Fil-bidu nirrakkuntaw kif aħna sirna nafu lil Oliver: l-għalliem u l-kittieb bħala intellettwali impenjat. Imbagħad, nagħtu ħarsa lejn innamra ta’ Friggieri mat-tpinġija, esperjenza li għalkemm mibdija fi tfulitu sabet xorti aktar ma kiber. Fl-aħħar, nistħarrġu b’mod kritiku xi skizzi ta’ Friggieri filkuntest artistiku Malti li twieldu fih. Il-muftieħ interpretattiv tal-iskizzi jinsab fir-relazzjoni intima li dawn għandhom mal-letteratura li kiteb tul ħajtu kollha, bix-xbihat dominanti jidhru fiż-żewġ modi ta’ espressjoni. Mhux ta’ b’xejn li f’idejn Oliver Friggieri, il-kliem u l-linji huma ‘tewmin’, żewġ uċuħ ta’ identità artistika waħda, kumplessa u unika.