Għawdex fl-ispedizzjonijiet ta' Bonaparte

Abstract

Dominique Vivant Baruni ta' Denon, persunaġġ li ħa sehem fl-ispedizzjoni ta' l-armata ta' Napuljun fl-Eġittu, ippubblika x-xogħol tiegħu f'żewġ volumi intitolati 'Voyagè dans la basse et la haute Egypte' fis-sena 1802. Waħda mill-inċiżjonijiet ippubblikati f'dan il-ktieb hija din l-inċiżjoni li qed tiġi ppubblikata ma' dan l-artiklu. L-inċiżjoni hija ffurmata minn żewg stampi; waħda intitolata 'Antiquitees trouvees a Gaze' u taħtha 'Tombeau trouvee a Malte' immarkati bhala Pl(ate) 4 u Pl(ate) 5 rispettivament. L-awtur ta' dan l-artiklu jitkellem dwar l-ewwel stampa. L-inċiżjoni turi oġġetti li skont Denon ġew misjuba f'Għawdex. Tidher rappreżentazzjoni ta' skultura tonda tar-rħam tal-perjodu Ruman li fuq naħa turi maskra tat-teatru u fuq l-oħra turi grifun b'ras ta' muntun taħt saqajh. Din l-iskultura llum tinstab fil-Mużew ta' l-Arkeologija ta' Għawdex