Il-leġġenda tal-Madonna ta' Liesse

Abstract

Id-devozzjoni lejn il-Madonna ta' Liesse bdiet minn leġġenda li tmur lura sa żmien il-kruċjati fl-art imqaddsa, din id-devozzjoni waslet ukoll f'Malta. Il-knisja tal-Madonna ta' Liesse qiegħda x-Xatt tal-Belt, fit-telgħa jgħidulha wkoll ta' Liesse, bejn il-Mina ta' Laskri u l-Bieb tax-Xatt Ii minnu tidħol il-Belt minn Triq il-Lvant. Bħalma l-knisja ta' Santa Katarina, il-Belt, kienet tal-Lingwa tal-ltalja u ta' San Gakbu, Strada Merkanti, kienet tal-Lingwa ta Kastilja, il-knisja ta' Liesse kienet tal-Lingwa ta' Franza, avolja l-berga ta' din il-lingwa kienet fi Triq in-Nofsinhar u saret ħerba bil-bombi ta' żmien il-gwerra. L-ewwel knisja kien bnieha Fra Gakbu Chenn de Bellay, il-Bali tal-Armenja. Il kavallieri tal-Lingwa ta' Franza reggħu bnewha fl-1740 u berikha l-lsqof Tumew Rull. L-aħħar isqof ta' żmien l-Ordni, Fra Vincenz Labini, ikkonsagraha fl-1806, fi żmien l-ingliżi. Fl-għar żmien tat-Tieni Assedju ta' Malta, Ii ħabat fis-sena 1942, laqtuha l-bombi u għamlulha qatigħ ħsara. Kellha tingħalaq sa ma ssewwiet il-ħsara u fetħuha mill-gdid nhar il-21 ta' Frar tal-1952.