Mill-Arkivji : Programme 44 : Ivan Ellul

Abstract

Fil-programm ‘Mill-Arkivji’ tat-3 ta’ Diċembru 2023 ħa niltaqgħu mas-Sur Ivan Ellul, Senior Inspector of Records, li f’dawn l-aħħar 10 snin mexxa r-Records Management Unit fi ħdan l-Arkivji Nazzjonali. Huwa gradwat b’Diploma fix-Xjenza Arkivistika u Records Management, kif ukoll għandu Baċellerat fl-Umanistika mill-Universita ta’ Malta.

Ivan Ellul se joħodna 10 snin lura propju meta twaqqaf dan id-dipartiment, il-ħidma tiegħu fil-proċess biex jinġabru d-dokumenti mill-Ministeri u Dipartimenti għaż-żamma dejjiema fl-Arkivji Nazzjonali bil-għan li jkunu preservati u aċċessibbli. Is-Sur Ellul jagħti wkoll deskrizzjoni tal-ħażna tad-dokumenti, mit-twelid tiegħu sew b’format ta’ karta, kif ukoll dak elettroniku, il-proċess taż-żamma tad-dokument u r-retention schedule, u finalment meta dan isib postu fuq l-ixkaffef tal-Arkivji Nazzjonali. Jitkellem ukoll dwar il-protezzjoni tad-data, kif ukoll l-liberta tal-Informazzjoni.

Ma’ dawn il-punti, jaqsam l-esperjenzi ta’ sfidi li jsib dan id-dipartiment, kif ukoll dwar il-koperazzjoni ġentili tal-pubbliku ġenerali li jagħti donazzjonijiet ta’ dokumenti tal-familja u oħrajn, biex dawn jagħmlu parti mal-ġabriet li għandu l-Arkivji Nazzjonali.